នាថ្ងៃព្រហស្បតិ៍ ១១រោច ខែមិគសិរ ឆ្នាំរោង ឆស័ក ព.ស.២៥៦៨ ត្រូវនឹងថ្ងៃទី២៦ ខែធ្នូ ឆ្នាំ២០២៤ អាជ្ញាធរអគ្គិសនីកម្ពុជាបានរៀបចំសម័យប្រជុំលើកទី៤២៨ ដោយមានការចូលរួមពីតំណាងក្រសួងរ៉ែ និងថាមពល, តំណាងអគ្គិសនីកម្ពុជា និងអ្នកកាន់អាជ្ញាបណ្ណពាក់ព័ន្ធ ដើម្បីពិនិត្យ និងអនុម័តលើរបៀបវារៈដូចខាងក្រោម ៖

• ការចេញអាជ្ញាបណ្ណឱ្យ ៖

  • ក្រុមហ៊ុន អុីជីអុី (ខេមបូឌា) អេនើជី សឹលូសិន ឯ.ក សម្រាប់សេវាកម្មដំឡើងប្រព័ន្ធថាមពលពន្លឺព្រះអាទិត្យលើដំបូល។
  • ក្រុមហ៊ុន ស្នេថេក ហ្សៀលឡឹស ឯ.ក សម្រាប់ធ្វើសេវាកម្មផលិតអគ្គិសនីដើរដោយថាមពលពន្លឺព្រះអាទិត្យ អានុភាព ១០មេហ្កាវ៉ាត់ មានទីតាំងនៅភូមិអន្សក្តាម ឃុំស្នាអន្សា ស្រុកក្រគរ ខេត្តពោធិ៍សាត់។
• ការកែសម្រួលម្ចាស់កម្មសិទ្ធិនៃអ្នកកាន់អាជ្ញាបណ្ណរបស់ក្រុមហ៊ុន រ៉ាយសិន អេនើជី (ខេមបូឌា) បាត់ដំបង ឯ.ក សម្រាប់ធ្វើសេវាកម្មផលិតអគ្គិសនីដើរដោយថាមពលពន្លឺព្រះអាទិត្យ ដែលមានទីតាំងនៅភូមិសូភី ឃុំអន្លង់រុន ស្រុកថ្មគោល ខេត្តបាត់ដំបង។
• ការកែសម្រួលលើកទីមួយលើបទប្បញ្ញត្តិស្តីពីការដំឡើង និងការប្រើប្រាស់ប្រព័ន្ធថាមពលពន្លឺព្រះអាទិត្យលើដំបូលនៅកម្ពុជានៃសម័យប្រជុំវិសាមញ្ញ៕

Facebook Link